Verzló sigrar í Morfís (Myndasyrpa)

Verzlunarskólinn kom sá og sigraði í Morfís nú fyrr í kvöld þegar lið hans lagði af velli lið Flensborgar í úrslitaviðureign ræðukeppninnar sem fram fór í Eldborg Hörpunnar. 

Nýttu Verzlingar sér ýmis sjónræna tilburði til jafns við málsnilld sína og meðal þeirra var hópur af hálfnöktum ungum karlmönnum sem sjá má á meðfylgjandi myndum. 
Monitor hvetur ykkur til að hneykslast smá yfir myndbirtingu þessari enda er hún á allan hátt ósiðsamleg. 

Titilinn Ræðumaður Íslands féll í hlut Verzlingsins Sigríðar Maríu Egilsdóttur en hún hlaut slétt 1000 stig og velþóknunar koll kink frá vefdeild Monitor að auki.

Þetta mun í ellefta sinn sem Verzlunarskólinn fer með sigur af hólmi í Morfís frá því að keppnin var stofnsett árið 1985.

Það skal þó tekið fram að stuðningsmaður Flensborgar vann battl-keppni Monitor í netkosningu. Vonandi er það huggun harmi gegn. 
 

• Blogga um frétt