Á sunnudaginn fóru fram friðsamleg mótmæli um allan heim undir yfirskriftinni 420. Mótmæli þessi eiga sér stað 20. apríl ár hvert en þá koma stuðningsmenn lögleiðingar kannabiss saman og fá sér í haus fyrir opnum tjöldum. Hópurinn Reykjavík Homegrown stóð fyrir slíkum mótmælum á Austurvelli en lögreglan fylgdist með úr fjarlægð og greip ekki inn í.
Sú var raunin víða um heim en í Hyde Park í London var svo sannarlega annað upp á teningnum. Öryggisgæsla var efld til muna og gengu lögreglumenn á milli fólks og gerði vímuefnið upptækt auk þess sem nokkrir mótmælendur voru handteknir fyrir athæfið.
Þrátt fyrir þetta segja skipuleggjendur daginn hafa lukkast vel utan þess hve mikið rusl var skilið eftir.