Tónleikamyndin Where We Are sem tekin var upp á samnefndu tónleikaferðalagi One Direction verður sýnd í Smárabíói helgina 11. til 12. október. Í myndinni er áhorfendum gefinn kostur á að upplifa hljómsveitina í návígi á tónleikum á San Siro-leikvanginum í Mílanó en auk tónleikanna inniheldur myndin myndbrot af þeim Harry, Liam, Zayn, Louis og Niall sem ekki hafa sést áður.
Miðasala hefst 28. júlí á eMidi.is en aðeins er um fjórar sýningar að ræða. Þegar fyrri kvikmynd þeirra, One Direction: This Is Us, var sýnd hér á landi komust færri að en vildu.