Vinnur við að kremja menn

Amanda er 1,90 metrar á hæð og 127 kíló. Hún er 38 ára gömul og vinnur fyrir sér sem Amazon-fyrirsæta.

Amanda uppgötvaði heim Amazon-fyrirsæta þegar hún var orðin of stór til að vinna fyrir sér sem fyrirsæta  innan meðalstraumsins. Í þessum heimi kom náttúruleg líkamsbygging Amöndu í góðar þarfir en helstu viðskiptavinir hennar eru karlmenn sem vilja vera kramdir af, glíma við eða sjást á almannafæri með sérlega stórum konum. Mjaðmir Amöndu eru 160 sentímetrar og hún notar brjóstahaldara í stærð 44 DD og samkvæmt Barcroft TV er hún dýrkuð um allan heim vegna þrýstins vaxtarlags síns.

Amanda segir enga kynferðislega þjónustu felast í starfi sínu en viðurkennir að viðskiptavinirnir verði stundum „spenntir“.  Furðulegasta beiðni sem hún hefur fengið var þegar maður með banvænan sjúkdóm bað hana að kremja sig til dauða svo hann gæti dáið við að gera það sem hann elskaði. Það þarf eflaust ekki að taka það fram að Amanda hafnaði beiðninni.

• Blogga um frétt