Hin sögufræga Söngkeppni framhaldsskólanna fer fram laugardaginn 5. apríl hvað sem verkfalli kennara líður. Söngkeppnin verður haldin í Hofi á Akureyri og verður mikið um dýrðir en á næstu dögum mun Monitor kynna keppendur fyrir lesendum með stuttum myndböndum.
Þær stöllur Ragnhildur, Kristborg María, Stefanía Lára og Indíana Björk úr Kvennaskólanum í Reykjavík ætla að syngja lagið „Something's got a hold of me“ sem er upprunalega með Ettu James en þær ætla að syngja útgáfu Christinu Aguilera af laginu. Indíana átti frumkvæðið að því að taka þátt í keppninni en vantaði bakraddir og fékk þær vinkonurnar með sér.