Hönnuðurinn Stella McCartney hefur nú hannað fallega undirfatalínu til að vekja athygli á brjóstakrabbameini en móðir hennar lést úr sjúkdómnum árið 1998.
Nærfötin, sem koma í takmörkuðu upplagi, má versla á heimasíðu Stellu, www.stellamccartney.com, og rennur allur ágóðinn til Linda McCartney góðgerðarsamtakanna sem stofnuð voru til minningar um móður Stellu.
„Þessi hræðilegi sjúkdómur hefur áhrif á líf svo margra. Það er hægt að koma í veg fyrir dauðsföll að völdum þessa sjúkdóms, því er svo mikilvægt að vekja athygli á brjóstakrabbameini. Ég vil minna konur á að hugsa um heilsuna og fara reglulega til læknis,“ sagði Stella um nærfatalínuna.