YouTube-stjarnan Casey Neistat var svo heppinn að vera fluttur yfir í fyrsta farrými af einhverjum ástæðum þegar hann ferðaðist nýverið frá Dubai til New York með flugfélaginu Emirates. Hann gerði myndband um flugferðina enda um sannkallaða upplifun að ræða. Eftir flugið gúglaði hann hvað flugsætið hefði kostað hann ef hann hefði þurft að borga, upphæðin nemur um 2,5 milljónum króna.
Á meðfylgjandi myndbandi má sjá að Neistat var aldeilis lukkulegur með að fá að sitja í fyrsta farrými.