Katrín hertogaynja af Cambridge er eina breska konunglega brúðurin sem lokið hefur háskólaprófi.
Þegar Katrín og eiginmaður hennar, Vilhjálmur prins, hittust voru þau bæði nemendur við St. Andrews-háskólann í Fife. Skötuhjúin útskrifuðust árið 2005, en þá hafði Vilhjálmur lokið MA-gráðu í landafræði og Katrín hafði útskrifast með sæmd úr listsögu, einnig með meistaragráðu.
Katrín er því fyrsta konunglega kvonfangið sem lokið hefur háskólamenntun eins og sjá má í frétt Popsugar.
Menntun Elísabetar Englandsdrottningar er þó ekkert slor. Drottningin fékk heimakennslu og voru að sjálfsögðu eingöngu ráðnir framúrskarandi kennarar. Árið 1936 fór hún að nema undir Henry Martin, sem starfaði hjá Eton-háskólanum. Þá lærði hún einnig frönsku og bókmenntafræði og sótti kennslustundir hjá erkibiskupnum í Kantaraborg. Þegar hún var 18 ára, á tímum seinna stríðs, fékk hún síðan þjálfun í vélvirkjun.