Lestu einn kafla úr Litla bakaríinu við Strandgötu

Litla bakaríið við Strandgötu eftir Jenny Colgan.
Litla bakaríið við Strandgötu eftir Jenny Colgan. Ljósmynd/Samsett

Bókin Litla bakaríið við Strandgötu var að koma út í þýðingu Ingunnar Snædal. Hér birtum við einn kafla úr bókinni en hún er tilvalin til að lesa í fríinu. 

Veðrið var ekkert að lagast þannig að Polly fór í hlýjasta jakkann sinn og setti upp húfu. Hún þurfti virkilega á kaffibolla að halda þrátt fyrir að hjálpsemi sjómannanna hefði yljað henni örlítið.

Hún gekk upp eftir steini lagðri götunni sem lá í hálfhring að því sem hún áleit að hlyti að vera aðalgatan. Þarna var lítil sjoppa þar sem líka voru seld rækjunet, fötur og skóflur, útstillingarnar voru illa hirtar og ryklag á þeim. Þarna var líka krá með bjórgarði og neti hangandi fyrir utan, kjötbúð, grænmetismarkaður og járnvörubúð. Niðri við höfnina var sendibíll með skilti sem auglýsti ferskan fisk til sölu en hann var lokaður, og lítil verslun sem virtist selja allt milli himins og jarðar. Polly stakk sér þar inn til að kaupa mjólk í kaffið og súpu til að elda seinna. Í næsta húsi var bakarí og í glugga þess nokkrar óræðar kökur sem litu út fyrir að vera úr gúmmíi, og rykfallin brúðkaupsterta sem Polly var ekki sannfærð um að væri ósvikin.

Fyrstu kynni hennar af þorpsbúunum höfðu stappað í hana stálinu svo að hún ákvað að fara inn í bakaríið. Þetta var jú staðurinn þar sem hún myndi kaupa brauðið sitt …
Polly var mjög nákvæm þegar kom að brauði. Hún dýrkaði brauð. Hún hafði verið brauðmanneskja alla ævi, hvort sem það var í tísku eður ei. Það var uppáhaldið hennar þegar hún fór út að borða. Henni fannst það gott ristað og óristað, beyglur, ristað brauð með osti, kryddbrauð og ítölsk fléttubrauð. Hún naut þess að borða fínustu súrdeigsbrauð sem kostuðu morð fjár og líka franskbrauðssneiðar sem molnuðu og drukku í sig fituna í beikonsamloku.
Hún hafði byrjað að baka sitt eigið brauð í háskólanum og þegar þau Chris eignuðust íbúðina var bakstur orðinn aðaltómstundagaman hennar; hún eyddi laugardögunum í að hnoða og teygja og láta deigið lyfta sér. Svo allt í einu fyrir ári síðan hafði Chris ákveðið að hætta að borða brauð heilsunnar vegna, sagðist vera með glútenóþol. Þar sem hann hafði borðað brauð í þrjátíu og fjögur ár án sjáanlegra neikvæðra áhrifa fannst Polly þetta frekar ólíklegt en hún hafði bara bitið í tunguna á sér og hætt að baka.


Hvað ætlaði hún að borða núna? Eitthvað gott og einkennandi fyrir staðinn … en hvers konar brauð var borðað hér? Kannski ostamúffur?

„Halló,“ sagði Polly glaðlega. Hún hafði alltaf fundið til sterkrar samkenndar með bökurum. Morgunvaktin, ilmandi hlý gerlyktin, matur handa hungruðum heimi; henni hafði alltaf fundist starf þeirra eitt hið göfugasta sem til var. Einu sinni þegar þau voru í fríi í Frakklandi hafði hún næstum gert Chris brjálaðan með löngun sinni til að heimsækja alls konar boulangeries; rétt eins og hann vildi kíkja á vínekrurnar vildi hún finna mun mismunandi korntegunda og staðbundinna einkenna.

Bak við afgreiðsluborðið stóð kona sem var óneitanlega ekki ósvipuð sinni eigin framleiðsluvöru. Ef Polly hefði verið í betra skapi hefði henni áreiðanlega þótt það fyndið. Konan minnti mest á snúð. Hún var algjörlega hnöttótt, með hvíta svuntu sem var útötuð í hveiti. Andlitið á henni var líka kringlótt, húðfellingarnar lágu yfir hárnetið, holdmiklar kinnarnar héngu niður. Hárið á henni – sítt og grásprengt – var einnig bundið aftur í snúð. Konan var í allri holningu eins og gríðarstór, franskur brauðhleifur. Polly fannst að sér gæti líkað vel við hana.

„Hvað vilt þú?“ spurði konan stuttaralega með leiða í svipnum og leit á úrið sitt.
„Ó, leyfðu mér að hugsa,“ sagði Polly.

„Ég er ný hérna. Hvað áttu?“

Konan ranghvolfdi augunum og kinkaði kolli í átt að veggnum þar sem sjá mátti vitlaust stafsettan lista: Sneitt franskbrauð, horn, grillaðar samlokur með osti, grillaðar samlokur með skinku, grillaðar samlokur með skinku og osti, grillaðar samlokur með skinku, osti og ananas – hmm, framúrstefnulegt, hugsaði Polly – fínar kökur, tebollur, velskar kökur og múffur. Hún sá ekki nema eina tegund af brauði. Nú veitti hún því athygli að það var ekki mikill bökunarilmur inni í búðinni, aðeins talsvert þungt og staðið loft sem gæti jafnvel stafað frá konunni sjálfri.

„Umm, grillaða samloku, takk,“ sagði Polly. Henni virtist óratími síðan hún borðaði bensínstöðvarsamlokuna. Hún leit í kringum sig. Þarna var hvergi hægt að setjast niður og ekkert að drekka fyrir utan nokkrar rykugar dósir af Fanta.
Konan stundi líkt og verið væri að gera henni heilmikið ónæði og gelti svo: „Með osti, skinku og osti eða skinku, osti og ananas?“

„Umm, þetta síðasta, þakka þér fyrir,“ sagði Polly og velti fyrir sér hvort hún hefði óafvitandi gert eitthvað af sér. En samlokurnar voru ódýrar.

Konan andvarpaði djúpt og sneri sér við.

„Ég verð þá að hita grillið.“

Polly leit á grillið. Það var sótugt og virtist algjörlega haugdrullugt. Hún var farin að sjá rækilega eftir öllu saman. Þessir vingjarnlegu sjómenn höfðu fyllt hana bjartsýni á nýja heimilið sitt eitt augnablik en þetta var á góðri leið með að gera út af við þá tilfinningu.
Hún leit vandræðalega í kringum sig. Það hefði þurft að þrífa skápana líka. Konan kjagaði yfir að einum þeirra og tók upp ræfilslega, tilbúna samloku sem hún skellti í grillið. Polly ákvað í snatri að hún væri alls ekki mjög svöng eftir allt saman.

„Ég var að flytja hingað,“ sagði hún léttilega og reyndi að virðast kát. Jákvætt viðhorf, það var málið. „Þetta virðist indæll staður! Ég bjó áður í Plymouth.“

Konan starði harkalega á hana. „Einmitt það. Þannig að þú ert komin hingað til að ýta upp fasteignaverðinu svo að íbúarnir hrekist burt?“

„Nei!“ sagði Polly undrandi. „Ha, nei, ekkert svoleiðis. Ég er … ég er bara aðeins að hvíla mig.“

Hún hafði prófað að segja þetta við nokkra aðra og nánast allir skildu hvað hún var að fara og spurðu einskis frekar. „Síðan ætla ég að byrja að leita mér að vinnu.“

Það hnussaði í konunni og hún leit á grillið.

„Jæja, þú finnur ekkert svoleiðis hér. Engin vinna fyrir aðkomufólk hérna. Við erum engin túristagildra, við sjáum um okkur sjálf.“

Polly lyfti brúnum en sagði ekkert, tók við samlokunni, borgaði og kvaddi. Konan svaraði engu fyrr en hún var komin fram að dyrunum.

„Þú getur samt vonandi borgað leiguna?“
Polly sneri sér undrandi við.

„Ég er frú Manse,“ sagði konan hálfmóðguð.

„Ég er leigusalinn þinn.“

mbl.is

Korter í áttrætt með hárlengingar

10:05 Jane Fonda mætti mætti í bleikum kjól með hárlengingar og sléttað hár á Emmy-verðlaunahátíðina. Hárgreiðslan var ágætis tilbreyting frá annars fallega liðaða hárinu sem hún hefur skartað að undanförnu. Meira »

Er hægt að stækka brjóst með fituflutningi?

08:30 Þórdís Kjartansdóttir, lýtalæknir á Dea Medica, er spurð að því hvort hægt sé að stækka brjóst með því að sjúga fitu af öðrum líkamshlutum. Meira »

„Ég er 40 ára og hef aldrei átt kærustu“

Í gær, 23:59 „Í hvert skipti sem ég hitti konu, ég veit ekki, ég þjáist af mjög sérstökum félagslegum klaufaskap. Það er erfitt fyrir mig að virka á allan hátt, þar á meðal að anda. Afleiðingin: ég er 40 ára og hef aldrei átt kærustu.“ Meira »

Vann sig í gegnum erfiða lífsreynslu

Í gær, 21:00 „Á þessum tíma var ég að vinna mig frá erfiðum tímabilum sem höfðu bankað upp á í mínu lífi og ég bara verð að viðurkenna að það opnaðist nýr heimur fyrir mér þegar ég lærði markþjálfunina og í framhaldinu einnig NLP-markþjálfun.“ Meira »

Mjög erfitt á köflum með tvo litla skæruliða

Í gær, 18:00 „Allt í einu á ég lítið barn sem ég ber ábyrgð á að vaxi og dafni á meðan það lærir á lífið. Það er yndisleg tilfinning að fá svona litla mannveru í hendurnar og takast á við þau verkefni sem fylgja því,“ segir Olga Helena Ólafsdóttir. Meira »

Tíu plastlausir andlitsskrúbbar

Í gær, 15:00 „Almenningur er farinn að átta sig á áhrifum plastnotkunar en örplast í snyrti- og hreinsivörum, sérstaklega í skrúbbum og tannkremum, er byrjað að valda mikilli umhverfismengun í hafinu. Örplast er eins og svampur og drekkur í sig eiturefni umhverfis það, fiskarnir gleypa örplastið, við borðum fiskinn og þannig veldur þessi hringrás því að við erum að innbyrða þessi hættulegu efni.“ Meira »

Áföllin komu Thelmu áfram

í gær Thelma Dögg Guðmundsen opnaði sinn eigin vef á dögunum, Guðmundsen.is. Sjálf kynntist ég Thelmu örlítið þegar hún keppti í Ísland Got Talent í fyrra en hún syngur ákaflega vel og heillaði áhorfendur upp úr skónum. Thelma segir að áföll í lífinu hafi komið henni á þann stað sem hún er núna á. Meira »

Spikið burt með einum plástri

Í gær, 12:17 Vísindamenn eru að þróa plástra sem geta minnkað fitu um 20 prósent. Bráðum getum við sleppt því að fara í ræktina og plástrað á okkur líkamann. Meira »

Baðkarið var í eldhúsinu

í gær Hollywood-stjörnur á borð við Susan Sarandon búa yfirleitt í glæsihýsum en það er ekki þar með sagt að þær hafi alltaf gengið um á marmara. Meira »

Trúboðastellingin sú næsthættulegasta

í fyrradag Nú er það komið í ljós að gamla góða rólega trúboðastellingin er alls ekki eins einföld og fólk heldur.   Meira »

Fallegt hönnunarhús í Hafnarfirði

í fyrradag Við Miðholt í Hafnarfirði stendur glæsilegt 199 fm einbýli sem byggt var 1992. Hugsað er út í hvert smáatriði í húsinu.   Meira »

Brjóstastækkun eftir barnsburð

í fyrradag Íslensk kona spyr Þórdísi Kjartansdóttur lýtalækni hvað hún þurfi að bíða lengi eftir barnsburð til að láta laga á sér brjóstin. Meira »

Þessar tóku feilspor á rauða dreglinum

í fyrradag Það er ekki alltaf hægt að mæta best klæddur á rauða dregilinn. Reese Witherspoon og Modern Family-stjörnurnar Ariel Winter og Sarah Hyland fengu að finna fyrir því á Emmy-verðlaunahátíðinni. Meira »

Bergur Þór Ingólfsson stjarna kvöldsins

18.9. 1984 í leikstjórn Bergs Þórs Ingólfssonar var frumsýnt í Borgarleikhúsinu á föstudagskvöld. Ekki varð þverfótað fyrir þekktu fólki á frumsýningunni. Meira »

Réttar æfingar fyrir hvern líkamsvöxt

17.9. Það gæti verið að uppáhaldslíkamsræktaræfingin þín sé ekki að gera mikið fyrir þig. Hvort er þú þéttvaxinn, grannvaxinn eða kraftmikill? Meira »

Grindarbotnsvöðvarnir láta þig planka rétt

17.9. Það eru ekki bara nýbakaðar mæður sem eiga gera grindarbotnsvöðvaæfingar. Ef þú nærð til dæmis ekki að virkja grindarbotnsvöðvana í planka er staðan ekki rétt. Meira »

Einkabörn halda oftar framhjá

í fyrradag Slæmar fréttir fyrir þá sem eru í sambandi með einkabarni en samkvæmt nýjustu tölum eru þau mun líklegri til þess að halda framhjá maka sínum. Meira »

„Hrein bilun að gefa ómálga barni ís“

18.9. Sigrún Þorsteinsdóttir, klínískur sálfræðingur og umsjónarmaður vefsíðunnar Café Sigrún, hefur ekki borðað sykur í fjöldamörg ár. Meira »

Fjórar ferskar munnmakastellingar

17.9. Það liggur beinast við fyrir konur að liggja á bakinu þegar þeim eru veitt munnmök. Hins vegar er ekki bara gott að breyta aðeins til öðru hverju heldur bráðnauðsynlegt. Meira »

Elskar fellingarnar vegna nektar-jóga

17.9. Fyrir tveimur árum uppgötvaði hin 28 ára Jessa O'Brien nektar-jóga og lærði þannig að elska sjálfa sig.   Meira »