Gáfað fólk fellur frekar á bílprófinu

Í nýrri breskri könnun kemur í ljós að því menntaðra sem fólk var því oftar féll það á bílprófinu. 59 prósent þeirra sem voru með enga sérstaka menntun náðu prófinu í fysta skipti. Talan lækkaði strax niður í 51 prósent þegar fólk var komið með stúdentspróf. 

Fólk sem var búið með grunnnám í háskóla náði bílprófinu í 48 prósentum tilvika og enn lækkaði það hjá fólki með framhaldsmenntun eða í 47 prósent tilvika. 

Það kom einnig í ljós í könnuninni að þeir sem höfðu stundað nám sem lagði áherslu á sköpun og listir í menntaskóla og háskóla gekk betur á bílprófinu. 

Sérfræðingur telur að akademískt fólk geti verið að ofhugsa bílprófið í samanburði við fólk sem hefur meiri hagnýta þekkingu og verkvit. 

Þeir sem eru betur menntaðir eiga oft í vandræðum með bílprófið. mbl.is/Thinkstockphotos

• Blogga um frétt