Katrín hertogaynja er þekkt fyrir að nýta fötin sín vel og sést hún reglulega í yfir tíu ára gömlum Penelope Chilvers-stígvélunum. Þrátt fyrir að búa í höll lætur hún börn sín klæðast notuðum fötum rétt eins og annað fólk.
Á mánudaginn sóttu Katrín og Vilhjálmur ásamt börnum sínum Pólland heim. Það vakti athygli að Karlotta prinsessa var í rauðum spariskóm sem frændi hennar Harry Bretaprins var í fyrir rúmum 30 árum.
Samkvæmt ABC News er hægt að finna fjölmörg dæmi þar sem Karlotta og Georg hafa klæðst fötum frá fólki í fjölskyldunni. Þegar fjölskyldan heimsótti Kanada í vetur klæddist Karlotta sömu bláu peysunni og Georg klæddist þegar hann fór upp á spítala að heilsa upp á Karlottu nýfædda.
Georg var í rauðum Rachel Riley stuttbuxum í skírn Karlottu en þetta eru eins buxur og Vilhjálmur klæddist þegar hann hitti Harry í fyrsta skipti.
Georg var í sömu bláu skriðbuxunum og faðir hans var í þegar hann var lítill.