Hlutir sem allir upplifa í ræktinni

Alveg sama í hversu góðu formi þú ert; þessar áköfu æfingar reyna bæði á líkama og sál. Hér koma nokkur atriði sem allir sem stunda líkamsrækt ættu að kannast við. Listinn birtist á heimasíðu Fitness Magazine.

1. Þú kíkir á klukkuna en sérð að þú ert aðeins búin/nn með fimm mínútur.
2. Þú þykist þurfa að reima skóna, bara til að taka þér smápásu.
3. Þú vonar að enginn taki eftir áreynslusvipunum þínum eða „Darth Vader“-andardrættinum.
4. Þú kíkir á ræktar-„playlistann“ til að fá hvatningu (eða truflun).
5. Þrjú orð: Skrýtnir. Svita. Blettir.
6. Þú getur ekki hætt að reyna að blikka svitann úr augunum.
7. Þér þykir vatn vera það besta í heimi.
8. Þangað til það byrjar að skvettast um í maganum á þér þegar þú tekur næstu lotu.
9. Þú elskar að finna fyrir brunanum í vöðvunum.  
10. Þú færð skyndilega einhvern ofurhetjumátt.
11. Þegar þú nærð takmarkinu verður þetta allt þess virði.

Það reynir bæði á líkama og sál að stunda ákafa líkamsrækt. AFP

• Blogga um frétt