Elsti súludansari Bretlands er 61 árs

Kathryn Ladlow hvetur eldri konur til að byrja í súludans en sjálf segist hún vera elsti súludansari Bretlands. Ladlow er 61 árs gömul og fór að iðka íþróttina þegar að hún hætti að starfa sem hjúkrunarfræðingur og fór á eftirlaun.

Ladlow hvetur eldra fólk sem og börn til að iðka íþróttina. Hún segist hafa viljað prufa nýjar leiðir til að halda sér í formi og þá hafi súludansinn orðið fyrir valinu. Það eru ekki margar 61 árs gamlar konur sem geta haldið sér á hvolfi með lærunum einum. Ladlow telur dansinn frábæra hreyfingu fyrir allan líkamann.

Ladlow er afar lipur á súlunni. Skjáskot af vef Daily Mail

„Ég er sú elsta í mínum tíma. Alltaf þegar við erum að gera nýjar hættulegar æfingar bið ég bara um dýnu til að hafa undir mér ef ég dett.“

Í viðtali við vefinn Daily Mail segir Eve Anderson, kennari Ladlow, að hún standi sig afar vel í íþróttinni. „Súludans er frábær hreyfing og bætir einnig sjálfstraustið.“ Hún segir þá stemmninguna í tímunum afar góða og að fólkið hjálpist að og hrósi hvort öðru.

Hún hvetur alla til að byrja í íþróttinni. Skjáskot af vef Daily Mail

• Blogga um frétt