Líkir eftir frægum til styrktar krabbameinssjúkum

Geislasérfræðingurinn Mark Udovitch sem býr í Sydney í Ástralíu hefur verið að birta afar skemmtilegar myndir af sér á netinu þar sem hann endurgerir myndir af frægum einstaklingum.

Myndirnar eru liður í „Dry July“-herferðinni en verið er að safna peningi til styrktar krabbameinssjúkum. Myndir Udovitch hafa vakið verðskuldaða athygli en hann hefur einnig safnað hári í talsverðan tíma núna sem hann ætlar síðan að gefa í hárkollugerð. Það er Lisa, eiginkona Udovitch, sem sér um að taka myndirnar og „stílisera“ þær.

Udovitch er þó ekki sá eini sem birtir myndir af sér heldur eru samstarfsmenn hans líka duglegir við að skella sér í búning fyrir myndatöku. 

Myndirnar eru birtar á Facebook-síðu söfnunarinnar og er fólk hvatt til að leggja málefninu lið. Nú þegar hafa safnast tæpar tvær milljónir til styrktar málefninu en markmiðið er að safna um níu milljónum króna.

Heimasíða söfnunarinnar