Gunnar Petersen, einkaþjálfari stjarnanna, hefur greint frá því hvað hann gerði til að koma raunveruleikastjörnunni Khloé Kardashian í toppform.
Kardashian ákvað að taka líf sitt í gegn eftir að hjónaband hennar og Lamar Odom rann út í sandinn, en hún hafði jafnan verið kölluð feita systirin.
„Ég held hún hafi hugsað með sér að hún ætlaði að taka sig á í lífinu og hún hafi áttað sig á að hún væri að hreinsa út svo mikið af neikvæðum tilfinningum,“ sagði Petersen í samtali við Daily Mail.
Til þess að koma stjörnunni í form, og á sama tíma að halda línunum hennar, setti þjálfarinn saman sérstakt æfingakerfi. Þar var til að mynda einblínt á hnébeygjur, framstig og box til að æfa stærstu vöðvahópana. Stjarnan var einnig látin gera upphífingar, armbeygjur og axlapressur til þess að æfa efri hluta líkamans.