Jógakennari á blæðingum birtir myndband af sér

Jógakennarinn Stephanie Góngora hefur haft áhuga á að fá opna umræðu um blæðingar kvenna og þannig draga úr þeirri skömm sem einhverra hluta vegna hefur verið hluti af menningu vestrænna ríkja varðandi blæðingar.

Hún ákvað því á dögunum að birta af sér myndband þar sem hún stundar jógaæfingar í hvítum klæðum og greinilega sést að hún er á blæðingum.

Myndbandið sem hún birti á samfélagsmiðlum hefur verið mjög vinsælt. Hún hefur þegar fengið mikil viðbrögð og fengið fólk til að velta fyrir sér afstöðu samfélagsins til blæðinga og hversu fáránlegt er að það sé eitthvað sem konur eigi að fela og að það fylgi því skömm að það sjáist að konur séu á túr.

Í pistli sem fylgir myndbandinu fer hún m.a. yfir það að konur séu enn í dag að fela túrtappa og bindi og einhvern veginn sé allt samfélagið með í þessum asnalega feluleik um allt sem varðar blæðingar. Þá skrifar hún að það að vera á túr sé sársaukafullt, ömurlegt en um leið fallegt og að lesandinn hafi ekki hugmynd um það enda sé þetta alltaf falið. Orðunum er sennilega beint til karlmanna. Smartland Mörtu Maríu deilir hér myndbandinu og leggur til að lesendur lesi magnaðan pistilinn yfir og jafnvel bendi karlpeningnum á hann til upplýsingar.

• Blogga um frétt