Besta leiðin til að sjá hvort par sé ástfangið eða ekki er að horfa á þyngdaraukningu þess, samkvæmt rannsókn sem alþjóðlega líftæknistofnunin stýrði. Tískublaðið GQ greinir frá þessu.
Samkvæmt rannsókninni eru það hamingjusömustu pörin sem fitna þegar þau eru saman.
Í fjögur ár fylgdust rannsóknarmenn með 169 hjónum. Þau mældu þyngd þeirra tvisvar á ári og spurðu þau spurninga um hjónabandið og vellíðan.
Niðurstöður voru að fólk sem var í hamingjusömu hjónabandi fitnaði mikið á meðan þau hjón sem héldust í formi sögðust vera í óhamingjusömu hjónabandi sem endaði oftast í skilnaði.
Rannsóknarmennirnir halda að þessar niðurstöður hafi eitthvað að gera með það að vera nógu aðlaðandi til að laða að sér maka. Hamingjusöm pör hafa enga þörf fyrir það lengur að laða að sér maka og þess vegna er minni pressa á útlitið. Hinsvegar eru hjón í óhamingjusömu hjónabandi líklegri til að vilja vera aðlaðandi og viðhalda forminu til að halda áfram að laða að sér maka.
Þó svo að hamingjusöm pör þurfi ekki að hafa áhyggjur af því að makinn elski hinn aðilann bara út af útlitinu má samt ekki gleyma því að vera heilbrigður, taka rannsóknarmennirnir fram í skýrslu sinni. Þar ráðlögðu þeir að hjón fylgdust með þyngd sinni því að hún getur haft slæm áhrif á heilsu.