Fólk sem skreytir snemma er hamingjusamara

Jólin nálgast óðfluga og margir eru byrjaðir að skreyta þó svo að margir bíði með það fram í desember. Vísindamenn hafa fundið það út að fólk sem skreytir snemma er hamingjusamara en þeir sem bíða með jólaskreytingarnar. 

Samkvæmt Women's Health telja vísindamennirnir að ástæðan fyrir þessari hamingju sé sú að skreytingarnar minna á barnæskuna. Í öllu því stressi sem fylgir því að vera fullorðinn í dag minnir jólaskrautið fólk á þá tíma þegar það var áhyggjulaust og styrkir þá tilfinningu. 

Ef eitthvað er að marka þessa rannsókn ætti lögmaðurinn Ómar R. Valdimarsson að vera hamingjusamur enda skreytti hann hús sitt í Garðabæ í september. 

Frétt af mbl.is

Jólin eru komin í Garðabæ

Jólaljósin fær fólk til að hugsa til baka. mbl.is/Thinkstockphotos

• Blogga um frétt