Kanill hjálpar í baráttunni við aukakílóin

Ef markmiðið er að reyna að grennast getur hjálpað til að borða aðeins meira af kanil. Vísindamenn telja að efni í kanil hjálpi til við fitubrennslu. 

Efnið sem gefur meðal annars kanil lyktina og bragðið kemur fitubrennslunni af stað, þetta kemur fram í grein Independent um uppgötvanir vísindamanna við University of Michigan. 

Rannsakandinn Jun Wu ákvað að rannsaka frekar áhrif efnisins vegna þess að fyrri rannsóknir höfðu bent á ágæti þess. „Vísindamenn komust að því að þetta efnasamband hefur áhrif á efnaskiptin,“ sagði Wu sem rannsakaði áhrifin í músafrumum og frumum mannsins. 

„Kanill hefur verið hluti af mataræði okkar í þúsundir ára og fólki líkar hann yfirleitt,“ sagði Wu sem bindur vonir við að efnasambandið í kanilnum geti hjálpað í baráttunni gegn offitu. 

Kanill er allra meina bót. mbl.is/Thinkstockphotos

• Blogga um frétt