Góð ráð handa litaglöðum fagurkerum

Hönnuðurinn Thomas Altamirano innréttaði  skemmtilega íbúð í New York. Íbúðin er litrík og full af skemmtilegum munum sem lífga upp á umhverfið. Altamirano lumar á góðum ráðum sem hann deildi með lesendum Elle Decor á dögunum.

„Litir og flæði var það sem veitti mér innblástur,“ sagði Altamirano aðspurður hvað hefði stjórnað því hvernig hann innréttaði heimilið. Blár virðist vera í uppáhaldi hjá Altamirano því skærblár litur er áberandi í öllum rýmum heimilisins.

„Taktu hænuskref. Byrjaðu rólega og bættu svo við smátt og smátt,“ sagði Altamirano þegar hann var beðinn um að veita litaglöðum lesendum Elle Decor góð ráð.