Húsið sem var notað í kvikmyndina The Godfather hefur nú verið sett á sölu. Húsið er á Staten Island í New York og kostar 599 milljónir króna. Þá sem dreymir um að búa eins og Don Carleone geta nú látið draum sinn rætast.
Þetta er reyndar ekki í fyrsta sinn sem húsið er til sölu því það var sett á markaðinn fyrir um tveimur árum og seldist þá fyrir 207 milljónir króna. Síðan þá hafa verið unnar miklar endurbætur á húsinu.
Húsið er glæsilegt og rúmgott en í því eru fimm svefnherbergi, sjö baðherbergi, líkamsræktarstöð, leikjasalur og saltvatnssundlaug.
Fleiri myndir af húsinu má sjá á heimasíðunni Curbed.