Eitt fyrsta húsgagn Wangs á 3,7 milljónir

Alexander Wang hefur hlotið verðskuldaða athygli fyrir hæfileika sína í fatahönnun. En Wang hefur nú tekist nýtt verkefni á hendur, verkefnið felst í húsgagnahönnun og eitt af hans fyrstu húsgögnum kostar 3,7 milljónir króna.

Wang var feginn til liðs við hönnunarteymi ítalska merkisins Poltrona Frau til að að hanna húsgagnalínu sem inniheldur þrjú húsgögn. Wang er himinlifandi með samstarfið. „Síðustu tíu ár hefur áhugi minn þróast út í húsgagnahönnun,“ sagði Wang í viðtali við Wall Street Journal.

Aðdáendur Wangs ættu þó ekki að búast við að geta keypt húsgögn úr smiðju hans á viðráðanlegu verði því dýrasta húsgagn línunnar kostar 3,7 milljónir króna. Línan inniheldur tvo stóla og einn skáp en það er skápurinn sem er dýrastur. Stólarnir kosta 1,8 milljónir.

Húsgögn Wangs verða fáanleg í febrúar í verslunum Poltrona Frau.

Alexander Wang hefur sérhæft sig í fatahönnun hingað til. Sumarlína Wang 2013. Ljósmynd/AFP

• Blogga um frétt