Oprah Winfrey festi sér kaup á nýju húsi á dögunum. Að sjálfsögðu er húsið hið glæsilegasta en þar er meðal annars að finna vínkjallara sem rúmar 1.600 flöskur, heitan pott, sánu og neðanjarðargöng sem liggja að nálægri skíðalyftu.
Húsið, sem staðsett er í skíðabænum Telluride, er rúmir 800 fermetrar að stærð og metið á 14 milljónir Bandaríkjadala sem samsvarar rúmum 1,8 milljörðum íslenskra króna.
Fleiri myndir má sjá á vef Popsugar.
Það er ekki amalegt að setjast niður með heitt kókó að skíðaferð lokinni og ylja sér við opinn eld.
Skjáskot Popsugar
Heiti potturinn rúmar sjö manns, og ekkert er hægt að setja út á útsýnið.
Skjáskot Popsugar
Eldhúsið er rúmgott og vel tækjum búið.
Skjáskot Popsugar
Hátt er til lofts og vítt til veggja í setustofunni.
Skjáskot Popsugar
Oprah lætur sér ekki leiðast, enda húsið vel tækjum búið.
Skjáskot Popsugar
Hér sést bæði glitta í vínkjallarann, sem og neðanjarðargöngin sem liggja að næstu skíðabrekku.
Skjáskot Popsugar