Adam Levine selur slotið

Popparinn Adam Levine hefur sett hús sitt á sölu, enda von á litlum erfingja og því tímabært að stækka við sig.

Söngvarinn keypti húsið, sem staðsett er í Beverly Hills, fyrir 4,83 milljónir bandaríkjadala, eða rúmar 600 milljónir íslenskra króna. Hann fer nú fram á 17,5 milljónir dollara, sem samsvarar rúmum tveimur milljörðum íslenskra króna.

Húsið er að sjálfsögðu ekkert slor, en þar er að finna fimm svefnherbergi og sjö baðherbergi og að sjálfsögðu er sundlaug í garðinum.

Fleiri myndir má sjá á vef Daily Mail.