Einbýlishús við Kotabyggð á Akureyri hefur vakið mikla athygli í hönnunarheiminum. Það er hannað af Arnari Þór Jónssyni arkitekt hjá Arkís. Auk þess var húsið valið ein af tíu bestu lúxusgistingum í heiminum í dag hjá Harperz Bazaar.

Einbýlishúsið við Kotabyggð er nú hólfað niður í þrjár íbúðir sem hafa verið í útleigu á Airbnb. Húsið sjálft var byggt 2008 og er viðarklætt að utan. Að innan er það mjög nútímalegt og smart. Stíllinn er svolítið hrár og síðir og miklir gluggar gera það að verkum að villt náttúran flæðir inn í hús. Húsið er afar vel staðsett með trylltu útsýni yfir Eyjafjörðinn. 

HÉR er hægt að skoða húsið nánar. 

HÉR er hægt að skoða verk Arkís.