Sex mánuðum eftir að söngkonan Gwen Stefani skildi við Gavin Rossdale er húsið sem þau eitt sinn bjuggu saman í komið á sölu. Ásett verð er upphæð sem nemur tæpum fjórum milljörðum króna.
Húsið, sem er 1.100 fermetrar, keyptu þau hjón árið 2006 fyrir 1,5 milljarð króna. Það hefur að geyma sjö svefnherbergi samkvæmt upplýsingum af vef Elle Deceor. Því fylgir einnig stærðarinnar sundlaug, tennisvöllur og líkamsræktarstöð svo fátt eitt sé nefnt.
Þess má geta að húsið var eitt sinn í eigu söngkonunnar Jennifer Lopez.