Eins og fram hefur komið á Smartlandi verður fölbleikur einn af litum sumarsins en liturinn hefur reyndar lifað góðu lífi um nokkurt skeið í bæði fatnaði og húsbúnaði. Við rákum augun í dásamlega Instagram-síðu, www.instagram.com/immyandindi, þar sem liturinn fagri ræður svo sannarlega ríkjum og gaman er að sækja innblástur fyrir fagurkera sem vilja taka litinn inn á heimilið með hækkandi sólu.
Á bak við síðuna er áströlsk vefverslun sem státar sig af því að selja skandinavískan stíl sem virðist vera að sækja í sig veðrið út um heim allan.
Á meðfylgjandi myndum má sjá bleiku töfrana:
Einstaklega falleg stofa innblásin af bleika litnum.
Fallegir aukahlutir eins og stóll, skinn og fleira gerir einstaklega mikið fyrir þetta fallega rými.
Oft þarf ekki að setja marga hluti inn í rýmið til að ná fram áhrifunum. Hér má sjá stóran fallegan púða og teppi sem gera svo sannarlega sitt.
Gullfalleg rúmföt í fölbleika litnum fagra.
Bleiki liturinn ræður ríkjum í þessari smekklegu stofu án þess að frekjast um of.
Grænn og bleikur vinna einstaklega vel saman.
Oft þarf ekki meira en bleik blóm í vasa.