Tónlistarmaðurinn Björk Guðmundsdóttir hefur sett glæsilegt hús sitt í New York á sölu. Húsið stendur á móti Hudson River og þykir ansi vel staðsett. Variety.com greinir frá þessu.
Björk leggur mikið upp úr því að hafa fallegt í kringum sig og að hafa sjóinn í sjónmáli en heimili hennar á Íslandi er einmitti við Ægisíðu í Reykjavík þar sem sjórinn frussast á gluggana þegar vont er í sjóinn.
Björk er ekki eina stjarnan sem býr í þessu hverfi því þar býr líka Bill Murray og Al Pacino.
Húsið við Hudson River hefur verið í eigu tónlistarmannsins síðan 2002 en það er 280 fm að stærð. Þetta er ekki eina húseignin sem Björk lúrir á því hún á penthouse-íbúð í Brooklyn sem hún festi kaup á með fyrrverandi eiginmanni sínum, Matthew Barney. Þegar hjónin skildu keypti hún hann út úr íbúðinni.