Slegist um gistingu á Banksy-hótelinu

Smartland greindi nýlega frá The Walled Off-hótelinu, nýju hóteli í Betlehem með versta útsýni í heimi. Nú er svo komið að hótelið er nánast fullbókað næstu þrjá mánuði og margir gestanna koma einungis til Betlehem til þess að gista á hótelinu sem vísar út að múrnum. 

Grafíti-listamaðurinn Banksy hannaði allt hótelið og eru veggir skreyttir listaverkum eftir hann. Þó svo að hótelið hafi verið gagnrýnt fyrir að verðlagið sé of hátt fyrir Palestínumenn, segir hótelstjórinn Wissam Salsaa það skila sér til baka út í samfélagið. Enda borgi hann næstum því 50 manns laun og allur ágóði fari út í samfélagið. 

Nóttin á The Walled Off-hótelinu kostar á bilinu 3.500 krónur upp í 105.000 krónur.