Það þarf ekki endilega að breyta miklu eða kaupa ný og dýr húsgögn til þess að láta herbergi líta betur út. MyDomaine fór yfir nokkur góð ráð til þess að láta húsnæði líta út fyrir að vera fínni og dýrari.
Mottur
Of litlar mottur geta látið herbergi líta úr fyrir að vera mun ódýrari en þau eru í raun og veru. Mottur undir borðstofuborði ættu að ná 60 til 90 sentímetra út fyrir hvern stól. Í stofunni ættu fremri fætur á öllum húsgögnum að ná inn á mottuna.
Innréttingar og hurðir
Margir eru með ódýrar eða gamlar innréttingar. Litlir hlutir eins og nýjar og betri höldur geta látið innréttingar líta út fyrir að vera dýrari.
Gluggatjöld
Með því að hengja gluggatjöldin of neðarlega og nálægt gluggunum minnka þeir. En með því að hengja gluggatjöldin hátt og vítt stækka gluggarnir.
Listaverk
Fjöldaframleidd prentuð listaverk úr ódýrum búðum hjálpa ekki til við að gera íbúðina elegant. Hægt er að kaupa listaverk sem þurfa ekki að kosta mikið en eru ekki fjöldaframleidd í verksmiðjum.
Óþarfa drasl
Því minna af dóti því fínna virðist heimili. Gott er til dæmis að geyma smádót á baðherberginu eins og tannbursta inni í skáp. Litlir hlutir eins og að brjóta saman handklæði geta gert gæfumuninn.
Lýsing
Herbergi sem einungis eru með loftljós eru ekki eins fín og þau gætu verið. Lýsingin ætti að vera sem fjölbreyttust, loftljós, veggljós og lampar.
Gömul húsgögn
Gömul húsgögn eru falleg en of mikið af þeim getur látið herbergi líta illa út. Fallegt er að blanda saman gömlum húsgögnum við nútímaleg húsgögn.