Leikkonan Mila Kunis tók íbúð foreldra sinna í gegn í samstarfi við Houzz. Hún segir foreldra sína ekki hafa viljað flytja í annað hús og þess vegna ákvað hún að breyta íbúðinni.
Kunis segir að íbúðin hafi verið eins og í Miami Vice árið 1994, full af leðurhúsgögnum. Hún ákvað að opna rýmið þannig að móðir hennar fengi almennilegt eldhús en hún átti það til að einangrast inni í eldhúsi við eldamennskuna.
Foreldrar Kunis fengu að vita að þau þyrftu að fara úr íbúðinni í sex vikur en vissu ekki alveg af hverju. Þau voru þó að vonum ánægð þegar þau sáu útkomuna.