Chris Rock selur yfir 100 ára gamalt hús

Grínleikarinn Chris Rock hefur sett hús sitt sem staðsett er í Brooklyn á sölu en Rock keypti húsið sem var byggt árið 1901 snemma á ferlinum. Ásett verð er hátt í 400 milljónir íslenskra króna.

Þrátt fyrir að húsið búi yfir öllum helstu nútímaþægindum fær saga hússins að halda sér. Gamlir veggir og áferðin á hurðum, gömlum innréttingum og gólfi hefur gamaldags sjarma. 

„Chris keypti það snemma á ferli sínum, þegar hann var ungur grínisti,“ segir fasteignasali Rock í samtali við Zillow.com. „Hann er tilfinningalega tengdur húsinu. Hann bjó þar þegar hann var nýgiftur.“