Sjáið myndir af heimili Beyoncé

Húsið sem Beyoncé, Jay-Z, Blue Ivy og nýfæddu tvíburarnir búa í er 150.000 fermetra villa í Malibu í Kaliforníu samkvæmt Daily Mail.

Hjónin leigja húsið sem kallast „La Villa Contenta“ á rúmlega 40 milljónir króna á mánuði og verður fjölskyldan þar þangað til í lok ágúst. Fjölskyldan flutti inn á miðvikudag í seinustu viku með tvíburana beint af spítalanum. 

Villan er 10 herbergja, 14 baðherbergja, með innisundlaugum, 8 metra útisundlaug með útsýni yfir Kyrrahafið. 

Fjölskyldan flutti frá New York til Kaliforníu fyrr á árinu og dvelur í þessu húsi þangað til þau finna draumaheimilið.

Nágrannar villunnar eru meðal annars Julia Roberts, Caitlyn Jenner og Pamela Anderson. Einnig var húsið notað mikið í bíómyndum og sjónvarpsþáttum eins og True Blood, I love you man og Funny people.