Það var glatt á hjalla á Hótel Borg þegar Baldvin Jónsson fagnaði 70 ára afmæli sínu í sól og blíðu síðasta laugardag. 

Afmælið var haldið á nýja veitingastaðnum á Hótel Borg, Jamies Italian, sem hefur algerlega slegið í gegn eftir að hann opnaði. Staðurinn er bjartur og fagur með einstaklega smekklegum innréttingum. Og svo hefur maturinn á staðnum fengið toppeinkunn. 

Boðið var upp á girnilegar veitingar í föstu og fljótandi formi og ekki skorti frábærar ræður og skemmtiatriði. Baldvin er og hefur alltaf verið einstaklega skemmtilegur og endurspeglaði afmælið hans það sem í honum býr.