Sælgæti og ís með pipardufti hefur tröllriðið öllu að undanförnu og er þá ekki tilvalið að setja slíkt duft út í jólaísinn? Þetta svokallaða piparduft gefur ísnum skemmtilegt lakkrísbragð. Piparísinn er síðan hægt að bragðbæta með súkkulaðispænum eða ferskum berjum svo dæmi séu tekin. Þennan ís er lítið mál að útbúa og hann ætti að slá í gegn hjá öllum, sérstaklega ungu kynslóðinni.
1 bolli púðursykur
1 tsk. vanilludropar
½ l rjómi
2 matskeiðar Dracula
Pulver-lakkrísduft.
Eggjarauðurnar, púðursykurinn og vanilludroparnir eru þeytt vel saman. Þá er rjóminn þeyttur í annarri skál, þó ekki stífþeyttur. Eftir það er öllu blandað saman ásamt piparduftinu með sleif. Athugið að gott er að bæta duftinu smátt og smátt út í ísblönduna og smakka ísinn til og bæta við dufti eftir smekk. Að lokum er ísinn settur í form og inn í frysti.