Smartland Mörtu Maríu | Samkvæmislífið | mbl | 10.7.2014 | 21:55

Björn Thors og Unnur Ösp á rauða dreglinum

Unnur Ösp Stefánsdóttir og Björn Thors sem leikur aðalhlutverkið í myndinni.

Kvikmyndin París norðursins, var heimsfrumsýnd á alþjóðlegri kvikmyndahátíð í Karlovy Vary í Tékklandi nýverið.

Leikarar myndarinnar voru að sjálfsögðu mættir á frumsýninguna í sínu fínasta pússi og léku á alls oddi eins og sjá má á myndunum.

Leikstjóri myndarinnar Hafstein Gunnar Sigurðsson, sem einnig leikstýrði kvikmyndinni Á annan veg, keppir í aðalkeppni hátíðarinnar og keppir um kristalshnöttinn.

París norðursins segir frá Huga, sem Björn Thors leikur, sem hefur fundið skjól frá flækjum lífsins í litlu, kyrrlátu þorpi úti á landi, sækir AA fundi, lærir portúgölsku og kann ágætlega við sig í fásinninu. Einn daginn fær hann símhringingu frá föður sínum, sem Helgi Björns leikur, sem boðar komu sína og er hið einfalda líf skyndilega í uppnámi.

Kvikmyndin var tekin upp á Flateyri sumarið 2013 og á hljómsveitin Prins Póló heiðurinn að tónlistinni í myndinni.

Helgi Björns hoppaði af gleði á frumsýningunni.

Sindri Páll Kjartansson framleiðandi, Huldar Breiðfjörð handritshöfundur myndarinnar, Helgi Björnsson, Hafsteinn Gunnar Sigurðsson leikstjóri og leikararnir Nanna Kristín Magnúsdóttir, Björn Thors og Unnur Ösp Stefánsdóttir.