Sveppi og Villi mættu með börnin

Sveppi og Villi létu sig ekki vanta í Gaflaraleikhúsið þegar Bakaraofninn með Gunna og Felix var frumsýndur. Gestirnir fengu hláturskast á sýningunni. Um er að ræða ekta barnafarsa fyrir unga sem aldna eftir Gunnar Helgason og Felix Bergsson. 

Gunni og Felix slógu í gegn á sínum tíma þegar þeir stýrðu Stundinni okkar á RÚV en síðan þá hafa þeir gert ýmislegt til að skemmta börnum. Búið til þætti og skrifað bækur svo eitthvað sé nefnt.