Íslendingar eru fámenn en jafnframt afar falleg þjóð. Smartland Mörtu Maríu tók saman lista yfir nokkur af glæsilegustu pörum landsins. Úr nógu var að velja enda landið fullt af flottum pörum.
Reynir Lyngdal Sigurðsson og Elma Lísa Gunnarsdóttir
Leikstjórinn Reynir Lyngdal Sigurðsson og leikkonan Elma Lísa Gunnarsdóttir kynntust árið 1992 þegar þau störfuðu saman á kaffihúsinu Café Olé. Þau voru miklir vinir áður en þau byrjuðu saman en hafa nú verið gift í um áratug. Saman eiga þau dóttur sem fæddist í maí 2013. Fyrir á Reynir dótturina Unu sem er 14 ára.
Björn Thors og Unnur Ösp Stefánsdóttir
Leikaraparið Björn Thors og Unnur Ösp Stefánsdóttir þykir heldur betur glæsilegt par. Þau hafa verið saman í talsverðan tíma og eiga tvö börn saman.
Snæfríður Ingvarsdóttir og Högni Egilsson
Leiklistarneminn Snæfríður Ingvarsdóttir og tónlistarmaðurinn Högni Egilsson eru ungt og hresst listapar. Þau þykja heldur betur glæsileg og mættu í stíl á Grímuna í ár.
Rakel Garðarsdóttir og Björn Hlynur Haraldsson
Þau Rakel Garðarsdóttir og Björn Hlynur Haraldsson eru sannkallað stjörnupar. Þau eiga von á sínu fyrsta barni saman en áður áttu þau tvö börn úr fyrri samböndum. Parið hefur verið á fleygiferð upp metorðastigann. Hann sem einn ástsælasti leikari landsins og hún sem bæði framkvæmdastjóri Vesturports og frumkvöðull. Hún hefur til dæmis mikinn áhuga á matarsóun og skrifaði bókina Vakandi ásamt Margréti Marteinsdóttur.
Benedikt Erlingsson og Charlotte Bøving
Leikarahjónin Benedikt Erlingsson og Charlotte Bøving þykja heldur betur glæsileg saman. Kvikmynd Benedikts Erlingssonar, Hross í oss, er af mörgum talin einhver alskemmtilegasta íslenska kvikmynd sem gerð hefur verið en í henni fer Charlotte með aðalhlutverk.
Hilmar Guðjónsson og Kolbrún Vaka Helgadóttir
Leikarinn Hilmar Guðjónsson og mannfræðingurinn og ljósmyndarinn Kolbrún Vaka Helgadóttir eru frekar nýlegt par og afar glæsileg saman. Þau mættu saman á Grímuna og voru afar glæsilega til fara þar.
York Underwood og Björg Magnúsdóttir
Þau York Underwood og Björg Magnúsdóttir eru afar glæsilegt par. Þau gengu í það heilaga í vor og héldu glæsilega veislu á Bryggjunni Brugghúsi. Björg stýrir síðdegisútvarpinu á Rás 2 ásamt Guðmundi Pálssyni og Underwood er kanadískur uppistandari sem elskar Ísland. Hjónin kynntust á Íslandi þegar Björg var með sitt fyrsta uppistand og síðan þá hafa þau verið óaðskiljanleg.
Salka Sól Eyfeld og Arnar Freyr Frostason
Athafnakonan Salka Sól Eyfeld og rapparinn Arnar Freyr Frostason úr hljómsveitinni Úlfur úlfur eru afar glæsilegt tónlistarpar. Þau eru ung og fersk og ætla að eyða sumrinu í að ferðast um landið og njóta í botn.
Þórey Vilhjálmsdóttir og Pétur Einarsson
Þau Þórey Vilhjálmsdóttir, formaður Ferðamálaráðs og fyrrverandi aðstoðarmaður Hönnu Birnu Kristjánsdóttur, og Pétur Einarsson, fjárfestir og fyrrverandi forstjóri Straums, eru afar glæsileg saman. Pétur er mikill íþróttamaður og hefur meðal annars tekið þátt í Járnkarlinum, hjólað í kringum landið í Wow-cyclothoninu og tekið þátt í fjölmörgum hjólreiðakeppnum og hefur nú aldeilis náð að smita Þóreyju af hjólabakteríunni.
Svanhildur Hólm Valsdóttir og Logi Bergmann
Þau Svanhildi Hólm Valsdóttur, aðstoðarmann Bjarna Benediktssonar fjármála- og efnahagsráðherra, og sjónvarpsmanninn Loga Bergmann þarf vart að kynna. Þetta glæsilega par hefur verið saman í nokkur ár. Saman eiga þau tvær dætur. Þá á Svanhildur son úr fyrra sambandi og Logi fjórar dætur.
Birna Rún Gísladóttir og Jakob Frímann Magnússon
Stuðmaðurinn Jakob Frímann Magnússon og eiginkona hans og viðskipafræðingurinn Birna Rún Gísladóttir eru afar glæsilegt par. Þau giftu sig árið 2013 í mikilli og flottri veislu í tónlistarhúsinu Hörpu. Parið á sama afmælisdag en tuttugu ára aldursmunur er á þeim. Saman eiga þau dæturnar Jarúnu Júlíu og Katrínu Borg.
Margrét Hrafnsdóttir og Jón Óttar Ragnarsson
Þau Margrét Hrafnsdóttir og Jón Óttar Ragnarsson kynntust þegar hún var nítján ára og hann tuttugu og fimm árum eldri. Hjónin eru afar glæsileg en þau eru búsett í Bandaríkjunum. Þar starfrækja þau framleiðslufyrirtækið Othar Raven Pictures og lifa og hrærast í heimi kvikmynda og sjónvarps.
Björk Eiðsdóttir og Karl Ægir Karlsson
Björk Eiðsdóttir, ritstjóri MAN, og Karl Ægir Karlsson, doktor í taugalífeðlisfræði, þykja eitt heitasta par landsins. Þau hafa verið saman í um tvö par og ekki annað hægt að segja en þau séu afar glæsileg saman.
Nína Dögg Filippusdóttir og Gísli Örn Garðarsson
Leikaraparið Nína Dögg Filippusdóttir og Gísli Örn Garðarsson er að sjálfsögðu á meðal glæsilegustu para landsins. Ásamt því að búa saman vinna þau Nína Dögg og Gísli Örn líka stundum saman en þau fóru til dæmis bæði með aðalhlutverk í spennutryllingum Grafir og bein. Saman eiga þau tvö börn.