Victoria O‘Brien er mikill bókaormur. Árið 2012 lýsti hún yfir aðdáun sinni á manninum sem „tvítaði“ fyrir Waterstones Oxford Street-bókabúðina á Twitter.
Þann 17. júlí gekk O´Brien í það heilaga með umsjónarmanni Twitter-aðgangsins og birti að sjálfsögðu mynd af sér og eiginmanni sínum Jonathan O‘Brien á samfélagsmiðlinum. Færslan hefur vakið mikla athygli og verið „læk-uð“ um 30.000 sinnum.
Parið kynntist í gegnum Twitter og ákvað að fara á stefnumót saman í kjölfarið sem gekk svona ljómandi vel. Í viðtali við The Telegraph segir Jonathan að vissulega sé skrýtið að vera allt í einu orðinn umfjöllunarefni samfélagsmiðlanna. „Margir hafa haft samband við okkur og óskað okkur til hamingju.“