„Við höldum alltaf smá „afmælispartý“ fyrir voffana, þá fá þeir alltaf það sem þeim þykir best. Til dæmis harðfisk, Greenies-bein og kex sem er keypt í Ameríku,“ segir hin 22 ára Tinna Björk Stefánsdóttir sem hélt nýverið afar krúttlegt afmælispartý fyrir hundinn sinn Coco sem er fimm ára.
Tinna og móðir hennar eiga fimm hunda saman og allir mættu þeir í boðið og skemmtu sér vel. „Kleopatra er elst, hún er 10 ára, Aþena er 8 ára, Boston og París eru 6 ára og svo er það afmælisprinsessan hún Coco sem er 5 ára," segir Tinna spurð út í aldur hundanna. Hún segir þá alla vera ólíka. „Hver og einn er með sinn karakter og sína sérþarfir, en þeim semur öllum vel,“ segir Tinna að lokum.