Eric Langley og Jill Carpenter eru ástfangið par. Það væri ekki fréttnæmt nema fyrir þær sakir að á þeim er 30 ára aldursmunur, konan fimmtug en karlinn tvítugur.
Töluvert hefur verið fjallað um þau í heimabæ þeirra í Bandaríkjunum og er mikill áhugi á sambandi þeirra. Flestir sem hitta þau saman á förnum vegi telja þau mæðgin en ekki par eða allt þar til þau hefja kossaflandur og knúsast á almannafæri.
Skötuhjúin kynntust á netinu eins og algengt er en Carpenter féll strax fyrir þroskuðum húmor snáða. Hann er í námi sem stendur en Carpenter rekur dýraathvarf.
Ætli það þætti jafnfréttnæmt ef aldursmunurinn væri á hinn veginn, þ.e.a.s. ef maðurinn væri 30 árum eldri?