Konur toppa fyrr í kynlífi en karlar

Samkvæmt nýrri ástralskri könnun eru konur yngri þegar þær ná hápunkti sinum í kynlífi en karlar. En á Daily Mail kemur fram að um 1.400 Ástralar tóku þátt í könnuninni á vegum Lovehoney. 

Einn eigandi Lovehoney segir útkomuna vera áhugaverða þar sem því hefur oft verið haldið fram að karlmenn nái ákveðnum kynlífshápunkti um tvítugt á meðan því hefur oft verið haldið fram um konur að þær þrái kynlíf meira rétt eftir þrítugt. 

Í könnuninni kom í ljós að 58 prósent kvennanna sem tóku þátt sögðu kynhvötina vera mesta á árunum 18 til 24 ára. En aðeins 42 prósent karla sögðu kynhvötina vera hæsta á þessum aldri. 

Svo virðist sem kynhvöt kvenna minnki með aldrinum ef marka má könnunina. En helmingur þeirra viðurkennir einnig að mismikil kynlöngun hafi haft áhrif á samband sitt. Sem gerir það að verkum að konur virðast vera duglegri að tala um hvaða áhrif kynlíf hefur í sambandi. 

75 prósent kvennanna sögðu að þær óskuðu að vera með meiri kynlöngun en aðeins 21 prósent karla óskuðu þess. 

Margar konur óska þess að hafa meiri kynlöngun ef marka má könnunina. mbl.is/Thinkstockphotos

• Blogga um frétt