Það hafa langflestir, sem ferðast einhvern tímann með flugvél, skoðun á því hvar þeir vilja sitja í flugvélinni. Fæstir vilja sitja í miðjunni en sumir velja sæti við ganginn fram yfir sæti við gluggann en hvað skyldi það þýða? Telegraph fékk álit tveggja sérfræðinga.
Sálfræðingurinn Becky Spelman segir að fólk sem kýs gluggasæti sé fólk sem vilji hafa stjórn á hlutunum, hugsar um sjálft sig fyrst og fremst og verður oft auðveldlega pirrað. Það vill líka hreiðra um sig og fara þegar því hentar.
Að sögn Spelman er það fólk sem kýs ganginn líklegra til að vera hlédrægt, nærgætnara gangvart öðru fólki og verður ólíkt gluggafólkinu ekki auðveldlega pirrað. Spelman tekur þó fram að veik pissublaðra gæti spilað þarna inn í.
Sálfræðingurinn Jo Hemmings tekur í sama streng og Spelman og segir að fólk sem kýs gluggasæti hafi tilhneigingu til að vera sjálfelskara en annað fólk. Hann segir að flugfarþegar sem vilja sitja við gluggann séu oft félagslyndari.