Fótboltamaðurinn Grétar Rafn Steinsson, sem spilar með Bolton, er búinn að trúlofa sig. Sú heppna heitir Francesca Bamber og er dóttir Daves Bambers, sem var atvinnumaður hjá Liverpool og Stoke.

Grétar Rafn og Francesca hafa átt í ástarsambandi síðan í nóvember 2010 en hann skildi við fyrrverandi eiginkonu sína, Manúelu Ósk Harðardóttur, í september 2010. Lögskilnaður þeirra gekk í gegn í janúar á þessu ári.

Charlie Adam, sem spilar með Liverpool, deilir fréttunum af trúlofun Grétars Rafns og Francescu á twittersíðu sinni. Fréttirnar fékk hann hjá Daniellu Bamber, sem er systir Francescu.

Smartland óskar Grétari Rafni og unnustunni til hamingju með trúlofunina.