Elsa Hrafnhildur Yeoman, borgarfulltrúi Bjartrar framtíðar, kveðst ekki vera mikið jólabarn. Hún er ekki vön að skreyta mikið í kringum sig um jólin en hún gæðir sér þó gjarnan á góðum ostum og víni í tilefni jólanna. Elsa er ekkert að stressa sig, hún kaupir allar jólagjafirnar á Þorláksmessu.
Ert þú mikið jólabarn? Nei, ég er það ekki, ég er haustbarn.
Hvenær byrjar þú að skreyta heima hjá þér? Ég skreyti í raun ekki mikið, en þetta litla sem dettur í hús eru góðir ostar, betri vín og villtir fuglar.
Áttu þér uppáhaldsjólalag? Nei, en þegar ég var lítil á fannst mér jólaplatan með Kenny Rogers og Dolly Parton málið.
Besta jólagjöf sem þú hefur fengið? Að allir séu glaðir.
En sú versta? Leiðindi.
Hvernig og hvenær kaupir þú jólagjafirnar? Á Þorláksmessu á Laugaveginum.
Gerirðu eitthvað sérstakt í desember? Fer í pakkaleikinn fyrir mömmu.
Hvað borðar þú á jólunum? Sushi og rjúpur
Eftirminnilegustu jólin? Þau renna öll saman í eitt, það er voðalega gott þegar þau eru búin.
Hvað er það besta við jólin að þínu mati? Að gera mikið af engu.