Taylor Swift hlaut aðalverðlaunin hjá ELLE

Söngkonan Taylor Swift var kosin „kona ársins“ á ELLE Style Awards-hátíðinni sem fór fram í London í gær. Stjörnurnar sem sóttu hátíðina mættu auðvitað í sínu fínasta pússi en Swift vakti athygli í grænum kjól úr smiðju Julien Macdonald.

Ótal önnur verðlaun voru gefin þetta kvöld en stjörnur á borð við Rosie Huntington-Whiteley, Maggie Gyllenhaal, Rebel Wilson og Diane Kruger fengu verðlaun fyrir góða frammistöðu innan tískubransans eða í leiklist.