Smartland Mörtu Maríu | Frægð | mbl | 7.7.2015 | 21:00 | Uppfært 8.7.2015 8:46

Damon Younger á Tinder

Damon Younger er kominn á Tinder.

Leikarinn Damon Younger, sem heitir sínu rétta nafni Ásgeir Þórðarson, er kominn á Tinder. Hann var kvæntur Veru Sölvadóttur kvikmyndagerðarkonu og þáttastjórnanda í Djöflaeyjunni.

Damon Younger þótti sýna góða takta þegar hann lék eitt af burðarhlutverkunum í myndinni Svartur á leik, sem byggð var á bók rithöfundarins Stefáns Mána. Myndin fjallaði um undirheimana og fóru Jóhannes Haukur Jóhannesson og Þorvaldur Davíð Kristjánsson með burðarhlutverkin í myndinni ásamt Younger. Kvenhlutverkið í myndinni var leikið af Maríu Birtu Bjarnadóttur sem nú er að flytja til Kaliforníu til þess að reyna fyrir sér í heimi fræðgarinnar.

Tinder er eitt vinsælasta stefnumótaforritið í dag og er það mikið notað hérlendis af þeim sem eru einhleypir. Mörg sambönd hafa orðið til vegna þessa forrits en Eyþór Árni Úlfarsson, sem tók þátt í Biggest Loser Ísland, kynntist eiginkonu sinni í gegnum Tinder. Í samtali við Smartland Mörtu Maríu á dögunum sagðist Eyþór eiga Tinder mikið að þakka.