Tískubloggarinn Pattra Sriyanonge og eiginmaður hennar fótboltamaðurinn Theodór Elmar Bjarnason eiga von á sínu fyrsta barni saman um jólin. Pattra deildi innleggi á Instagram-síðu sinni í gær þar sem hún sagði Grinch geta farið að hlakka til jólanna þar sem von er á jólastrák hjá parinu.
Theodór Elmar spilar með danska félaginu AGF og stóð sig afar vel með íslenska landsliðinu í Evrópukeppninni í knattspyrnu í júní. Pattra er tískubloggari á vefnum Trendnet og er þekkt fyrir fallegan og fágaðan stíl sinn. Smartland Mörtu Maríu óskar litlu fjölskyldunni til hamingju með stækkunina.