Rússneska ofurfyrirsætan Xenia Deli sem hvað þekktust er fyrir leik sinn í tónlistarmyndbandi við lagið „What Do You Mean“ með Justin Bieber gekk í það heilaga á dögunum.
Deli sem er 26 ára gömul giftist hinum 62 ára gamla Ossama Fathi Rabah Al-Sharif við hátíðlega athöfn á Sontorini á Grikklandi. Al-Sharif er egypskur viðskiptajöfur og var ekkert til sparað í veislunni. Samkvæmt heimildum Elle hefur samband þeirra Deli og Al-Sharif staðið yfir í eitt ár.
Ofurfyrirsætan klæddist afar íburðarmiklum og glæsilegum kjól eftir hönnuðinn Zuhair Murad. Trúlofunarhringar parsins eru ekki af verri kantinum en bæði skarta þau einnig LOVE-armbandi frá Cartier.
Deli deildi nokkrum myndum frá deginum á Instagram-síðu sinni. Óhætt er að segja að myndirnar tali sínu máli.
Neðst í fréttinni má sjá Deli í myndbandi Justins Biebers.