Sigga Lund á krossgötum

Fjölmiðlakonan Sigga Lund stendur á krossgötum og hefur ákveðið að hefja leit að sjálfri sér. Til þess að leitin munu skila einhverjum árangri ætlar fjölmiðlakonan að fara til Balí og hefur nú stofnað síðu inni á Karolina Fund. 

„Ég heiti Sigga Lund og hef starfað sem fjölmiðlakona um langt skeið. Ég hóf útvarpsferil minn fyrir alvöru á Létt 96,7 árið 2003 þar sem ég starfaði í þrjú ár. Þaðan lá leiðin yfir á FM957 þar sem ég hóf störf í morgunþættinum Zúúber ásamt félögum mínum Svala og Gassa. Zúúber varð fljótlega einn vinsælasti morgunþáttur landsins og hélt þeim velli í heil sex ár. Síðan þá hef ég meðal annars starfað á Bylgjunni, Léttbylgjunni, K100, Austurfrétt og á sjónvarpsstöðinni N4 þar sem ég meðal annars sinnti þáttagerð í þættinum Að austan. Árið 2014 vendaði ég mínu kvæði í kross. Ég flutti á sveitabæinn Vaðbrekku í Hrafnkelsdal og gerðist fjárbóndi ásamt kærasta mínum, sem er fæddur þar og uppalinn. Í þessum afdal byrjaði borgarstelpan að snappa frá lífinu og tilverunni í sveitinni,“ segir Sigga Lund inni á Karolina Fund-síðunni. 

Hún segir að sveitalífið hafi verið ljúfsárt. Þar hafi verið margt gott en líka margt sem ekki gekk upp.

„Eftir rúm tvö ár flutti ég frá Vaðbrekku á Akureyri og hóf störf hjá N4. Við skötuhjú létum reyna á fjarbúð en í lok október síðastliðinn skildi leiðir eftir 7 ára samband.“

Snapchat.

Leitin að Siggu Lund

„Þetta hófst allt á Snapchat skömmu eftir sambandsslitin. Þegar ég sagði fylgjendum mínum frá skilnaðinum, spurði ég hvort þeir hefðu áhuga á að fylgja mér á þeirri nýju vegferð að leita að sjálfri mér, því augljóslega er maður pínu týndur á svona tímamótum. Viðbrögðin létu ekki á sér standa. Ég er fjölmiðlakona og opinber snappari. Ég hef verið að snappa um leitina að sjálfri mér eftir sambandsslit við sambýlismann minn til 7 ára. Ferðlagið kalla ég „Leitin að Siggu Lund“. Nú langar mig að gera heimildarmynd um þessa mögnuðu vegferð sem nú leiðir mig til Balí. Getur þú lagt mér lið?“

• Blogga um frétt